Говь ХК хагас жилийн тайлангаа танилцуулав…
Монголын хөрөнгийн биржийн I ангилалд бүртгэлтэй Говь (GOV) ХК нь 2022 оны эхний хагас жилийн үйл ажиллагаа, санхүүгийн үр дүнгээ танилцууллаа. Тайлант хугацаанд:
- Борлуулалтын нийт орлого 45.9 тэрбум төгрөгт хүрч өмнөх оны мөн үеэс 16 хувиар өссөн байна. Үүнээс дотоодын зах зээл дэх борлуулалтын орлого 26.1 тэрбум төгрөгт хүрсэн нь өнгөрсөн оны мөн үеэс 50 хувиар нэмэгдсэн үзүүлэлт юм.
- Компанийн нийт ашиг 21.4 тэрбум төгрөгт хүрч, өмнөх оны мөн үетэй харьцуулахад 21 хувиар өсөв.
- Компанийн цэвэр ашиг 17.4 тэрбум төгрөгт хүрсэн нь өнгөрсөн оны хоёрдугаар улиралтай харьцуулахад 11 хувиар өссөн байна.
- Studio Cherie-тэй хамтын ажиллагаа эхлүүлэн, зураг авалтын өнгө төрхөө сайжруулан веб стандартын болон идэвхжүүлэлтийн зураг авалт дээр хамтран ажиллаж байна.
- Reichert+Communications PR агентлагтай хамтын ажиллагааг эхлүүлэн Говь брэндийн PR төлөвлөгөөг боловсруулан хэрэгжүүлж байна.
- Zalando Marketplace дахь борлуулалтын сувгаа нэмж Австри улс дахь www.zalando.at дээр бүтээгдэхүүнээ борлуулж эхэлсэн.
- Японы Sagawa групп компанийн БНХАУ дахь Runbow охин компанитай агуулахын үйлчилгээ авах гэрээг байгуулан агуулахаа Шанхай хот руу нүүлгэв. Ингэснээр хэрэглэгч нартаа захиалгыг нь илүү хурдан шуурхай, найдвартай хүргэн өгч үйлчлэх боломжийг бүрдүүлж чадсан байна.
- 2022 оны 03 дугаар сараас Олон улсын чанарын удирдлагын тогтолцооны стандартыг нэвтрүүлсэн.
- Эрчим хүч хэмнэлтийн хөтөлбөрийг хэрэгжүүлэн, хүлэмжийн хийг 10 хувиар багасгах зорилт дэвшүүлэн ажиллаж байгаа бөгөөд тайлант хугацаанд нэгж бүтээгдэхүүнд ногдох эрчим хүчний хэрэглээг 3 дахин бууруулсан байна гэжээ.
