Дархан, Сэлэнгэ аймагт ажиллав…
Монгол Улсын 30, 31 дэх Ерөнхий сайд У.Хүрэлсүх 2020 оны есдүгээр сарын 17-нд Дархан, Сэлэнгэ аймагт томилолтоор ажиллаж байлаа. Тэрбээр Засгийн газрын тэргүүн байхдаа Монгол Улс хүнсний аюулгүй байдлаа хангах, гол нэрийн хүнсний бүтээгдэхүүний хэрэгцээг дотоодоос бүрэн хангах, импортыг орлох болон экспортын баримжаатай бүтээгдэхүүн үйлдвэрлэлийг дэмжих чиглэлд түлхүү анхаарч ажиллахаа илэрхийлж байлаа. Ингэхдээ:
Хүнс, хөдөө аж ахуйн салбарт: 2020 онд 117 сая литр сүү дотоодоос хангаж цаашид 200 сая литрт хүргэх, гурилын хэрэгцээгээ дотооддоо бүрэн хангаж, гадаадад 200 мянган тонн гурил экспортлох, Өндөгний хэрэгцээнийхээ 52 хувь буюу 178 сая ширхэгийг дотооддоо үйлдвэрлэж байгааг 90 хувьд хүргэх, төмс 100 хувь, хүнсний ногооны 56 хувийг хангаж байгааг цаашид бүрэн хангахаар зорьж байгаагаа хэлж байв.
Монгол мал үндэсний хөтөлбөрөөр: Махны экспорт 58.6 мянган тонн байгааг 3 дахин нэмэгдүүлэх, тариалангийн бүс нутгийг эрчимжсэн мал ахуйн бүс нутаг болгон хөгжүүлэх, 10 сая ширхэг арьс шир, 10 мянган тонн ноос, 3 мянган тонн ноолуур боловсруулах хүчин чадалтай Дархан арьс ширний цогцолбортой болсноор малын гаралтай түүхий эдийн үнийг өсгөх, 3 мянган тонн ноос, ноолуур боловсруулах хүчин чадалтай үйлдвэр ашиглалтад оруулахаа илэрхийлж байсан юм.
